Yma Agan Tavas, An Caskergh rag Kernowek, ow tynerghy govyn Consel Kernow dhe’n Asran Caryans a Gernowek gans an hanow usyes war synys forth. Ny vya hemma gwres marnas pan vo syn gwethhes yn nep forth.
Consydrys o gans lyes bos Craig Weatherhill, kens y vernans, an gwella arbeneger adro dhe hynwyn-tylleryow. Herwyth brys Agan Tavas y coth bos lyver Craig ‘A Concise Dictionary of Cornish Place-Names’ ISBN 978-1-904808-22-0 an squyr rag ober adro dhe synys deuyethek. Hemma dhe surhe bos ystory agan hynwyn-tylleryow gwythys. Ow sewya ober Craig, ny goth bos hynwyn an 19ves cansvledhen, wosa an yeth teythyak dhe verwel, trelyes dhe Gernowek. Ynweth, y coth dhe hynwyn Frynkek/Normanek, hag yma nebes, gwytha aga gwredhennow ystorek.
Yma synys deuyethek ow presentya chons dhe dheryvas dhe re ha gansa bern adro dhe hynwyn-tylleryow Kernow aga gwredhennow ystorek.