Asnodhow Henwyn-Tylleryow dhe Govath Craig Weatherhill
Asnodhow hendhyscans muer y brys yw henwyn-tylleryow Kernow hag aga formys ystorek. Res yw dhe bub attent rag aga gorra yn spellyans Kernowek arnoweth aswon an dra ma. Dre lyklod Craig Weatherhill, ues tremenys, a ve an bleyn arbenneger tuchya henwyn-tylleryow Kernow hag aswonys yn ta o a dra na dhodho ef. An rol omma yw grondyes war ober Craig, hag yth yw an pyth commendyes gans Agan Tavas rag gorra war vordys synheans h.e.. Nyns yw grondyes war un spellyans yn unyk Kernowek hedhyw saw ymava owth usya nebes usadow rag cafus fyttyans an gwella dhe’n cof hendhyscansek. Styryans hynwyn nag yw Kernowek re bue provyes yn scryf italek gans an berheans ma: Eng. = English, Fr. = French, (Frynkek Normanek dre lyklod). Mars ues edhom a dheryvadow pelha yma nebes lyfrow da dres ehen dhe brena dheworth an tylleryow Shoppa po Dyllansow war an wyasva ma. Mars yw dhe les dhys saw onen po dew hanow ty a yl usya an furvlen govyn yndan Kestava. Dhe wul defnyth an rol usy omma yscargeugh an restryn pdf ha gorra an hanow dheworth mappa arnoweth y’n gyst whythrans rag cafus an form Kernowek arnoweth. Po ken scrolyeugh war nans an rol. Possybyl a vya martesen obery war dhelergh ha cafus an hanow mappa arnoweth dheworth scryf yn Kernowek tradycyonal. Perthyeugh cof dhe jeckya kevarwedhyansow mappa dhe vos sur yth yw tyller agas whythrans agas honen.