Esyly Agan Tavas a wrug performya agensow ran an gwary Bewnans Meryasek. Ran an gwary a ve Sylvester an Dhragon hag ymava ow tuchya an Pab Sylvester pan wrug ef herdhya yn mes an pow dragon esa ow brawehy an bobel y’n costys Rom. An performyans a ve dysquedhes orth Glub Artys Por’ Ya avel ran an Gol Lyenyeth Por’ Ya. An performyans ha styryans adro an gwaryow merkyl Kernowek a ve kemeres yn ta gans an goslowysy.
Rannow yn rew aperyans a ve del sew:
1sa Duk – Denise Chubb
2sa Duk ha Peder Sans- Kyle Odgers
Helghyer ha Cannas ha Chaplen- Gavin Hosking
Dragon – Tony Kalber
Escop Poly (pagan) ha lef Jhesu dhyworth nef – Matt Blewett
Crosser ha Emperour Constantyn- Phillip Nile
Sylvester an Pab – Ray Chubb