Deth yn mes

Yth esa attendyans da dhe’n Jeth yn Mes Agan Tavas yn randyr Lanahevran. An vysytyans dhe’n eglos o muer dhe les. Yma muer a ystory dhe’n tyller, ran anedha o styryes gans an scryven dorn yn Kernowek saw moy a ve styryes gans an Warden. Prys ly y’n tavern Carow Gwyn o bryntyn gans bos pur dha ha chons rag muer a gescows. A y wosa ny eth dhe Lergh Natur Bargen Tyr Roskilly. Yth esa kesstryf gans pewas gwaynyes gans Matt Blewett. Awos bos dallethoryon genen, yth esa pewas da rag an ysella merkys! Wosa an kerth yth esa chons dhe assaya dehen rew delycyous Roskilly.