Boghes mur yu aswonys a Richard Borlase; ef a verwys martesen y’n batel Blackheath, mes nyns yu hemma certan. Ef yu campollys y’n “Reken a Dhalgenna po Convyctyans” a Henry vii. Reken a Dhalgenna yu onen may hasa substans an convyct yn gaja dhe’n myghtern. Gwrageth, bytegens, mar kyllons y provya bos an substans y honen, o quyt. Ynweth y’n “Rol a Bardons ” a Henry viii, deu berson yu campollys; an kensa yu Thomas Burlas, po Borlase, ha’n second yu Richard Burlas, po Borlase. An dheu yu descryfys avel “franklins” po burgesyon- “franklin ” a dhescryf neponen nep nyns yu sojettys dhe arluth fewdal, po dhe’n lagha fewdal. Thomas re bo broder Richard.
Yth esa an Manor a Vorlase-Burgess yn Sen Wenn solabrys an substans ha tre an tylu hen a Vorlase. Yth esa res dhe dylu Norman gans myghtern William Rufus, nep esa arluth a gastel y hanow Talfer, yn Normandy. Y erys a gemeras hanow a Vorlase dre hanow an tyller. Hem yu an le may trygas Richard Borlase. An er- gour dewetha an scoren cotha a werthas an pyth-ma, yn 1559, dhe John Hender, hag yth esa an bargen- tyr dhe’n os hedhyu war dyller an dre. Map yowynca, bys dalleth dhe whetegves cansvledhen, o demedhys gans eres a Dreluddra po Treludderow a Dreluddra yn Lulyn. Rag hemma a dhyeskynna Dr Borlase an den ystorek, ha’n tylu Borlase a Vockmer ha Danvers yn Little- Marlow.
Scryfys ha trelys ha fylmys gans Heather Ashworth