De Merher 10ves mys Gortheren 2019 orth solempnyta Holyer an Gof synsys y’n Fundyans Ryal Kernow, Truro dyllans Agan Tavas – Bewnans Meryasek – a waynyas an pewas y’n class; ‘Kernowek rag Tus a Os’. Scryvynyas Ray Chubb, neb a gemeras an pewas, a wrug aswon gras dhe oll an re na a ros gweres gans an dyllans hag ef a styryas ‘nyns yw an dyllans ma saw asnodhow rag Kernowegoryon mes ynweth yth yw chons dhe ry arta dhe bobel Gambron aga ertach Kernowek’.