{"id":2350,"date":"2020-06-27T15:01:09","date_gmt":"2020-06-27T14:01:09","guid":{"rendered":"http:\/\/agantavas.com\/?p=2350"},"modified":"2024-01-11T09:46:26","modified_gmt":"2024-01-11T09:46:26","slug":"one-leader-of-the-uprising-michael-joseph-an-gof-of-st-keverne","status":"publish","type":"post","link":"https:\/\/agantavas.com\/kw\/one-leader-of-the-uprising-michael-joseph-an-gof-of-st-keverne\/","title":{"rendered":"Un Hembrynkyas a\u2019n Sordyans – Myghal Josef An Gof a Geverne"},"content":{"rendered":"
\"St
Ymach a Myghal Josef An Gof ha Thomas Flamank<\/figcaption><\/figure>\n

Manylyon bewnans Mighal Josef yw scant. Ev o dhyworth renkas uvel hag awos y fowt a rychys, nyns eus meur a govadow scrifys gesys lemmyn. Fentynnyow scrifys a\u2019n oos na ny dhisqweth saw y vos gov dhyworth Lannaghevran. An titel \u2018An Gov\u2019 neb a sew y hanow, yw y greft yn sempel. Dres an bledhynnyow, an titel na a dheuth ha bos hanow teylu kernewek \u2018Angove\u2019. Kyn nag esa adhyscans na rychys dhodho, dell esa dh\u2019y genhembrenkyas Thomas Flamank \u2013 laghyas a Vosvena- yn y blu, kemeneth vyhanna ha moy kevrennys, den a vri lowr o ev.<\/p>\n

Ny wodhon ni travyth a-dro dh\u2019y deylu. Heb mar yth o ev mab dhe nebonan ha martesen demedhys. Neb unn covadh an blu (mil, pymp cans ha pymp warn ugens) a dhisqwedh bos whath tri den henwys An Goff po Engoff ena, neb eth bledhen warn ugens wosa an executyans. Martesen mebyon po noyens ens?<\/p>\n

An poblans a Lannaghevran y\u2019n dydhyow na o a-dro dhe dhew cans ha peswar gour warn ugens, brassa rann anedha arvethys yn ameth ha pyskessa. Nyns esa balweyth yn pluw Lannaghevran vytholl. Gelfornow kepar ha\u2019n huny Mighal Josef o cres bewnans an dreveglos. Res o dhe bubonan y usya rag gwruthyl hag ewnhe an daffar a res rag\u2019ga ober.<\/p>\n

Dhe dhiwedh an pymthegves cansvledhen, yth esa meur a ober rag nowedhy eglos Lannaghevran ha, martesen, arvedhys o Mighal Joseph rag gwitha lymm an toulys menweyth.<\/p>\n

Y hyllir desevos meur a glapp orth tan an wovel.<\/p>\n

Dell hevel, ev a wrug kerdhes a-hys agan hynsow, pyskessa y\u2019n mor, gormola y\u2019n eglos hag omlowenhe an gwelyow mar aswonys genen hedhyw.<\/p>\n

Ny wodhon mar qwrug ev ynia gwerin an bluw po mars o ev dewisys avel hembrenkyas, mes ni a wor ev dhe dhiberthy yn mis Me po Metheven y\u2019n vledhen mil, peswar cans seytek ha peswar ugens dhe dhalleth an keskerdh hir dhe Londres, ow cuntel holyoryon a-hys an fordh, rag govenegy an myghtern. Martesen ev a wre gwruthyl po ewnhe an toulys hag arvow sempel degys gans an werin.<\/p>\n

Res yw kemeres campollow scrifys a-dro dhodho gans rach, henn a greg war an scrifor ha fatel vynnir ev dhe hevel \u2013 erbynner wordhi po muskok, y wriansow a gows rag y honan.<\/p>\n

Yn sertan, yth esa ganso gallos dhe wul lelder yn y holyoryon. Yth o ev nebonan dhe estemya rag Kernowyon hag y vammyeth o yn lycklod Kernewek. Ev a ylli kewsel yn freth gans an re a gewsi Kernewek yn kynsa ha, martesen, yn unnik. Dell hevel, nyns ens i rout, mes dooth ha skoodhys yn ta gans an dus y\u2019n tylleryow tremenys war an fordh.<\/p>\n

Mighal Josef o hardh ha determys yn sur. Herwydh scrifer yn cita Londres: An rebels a spenas an nos yn predery meur, rag neb anedha tybyans dhe dhos bys y\u2019n myghtern rag hebcor yn-dann y dregeredh ha gras yn tien, mes yth esa dhe\u2019n gov brys conter.<\/p>\n

Wosa bos dalghennys, ny wrug ev hockya. Herwydh an Great Chronicles, ev a dheuth:<\/p>\n

\u201cow marghogeth a-dryv gwithyas an myghtern, an gof gwiskys yn jerkyn a wynn ha gwyrdh \u2013 liwyow an myghtern \u2013 hag a borthas cher da hag a gewsis mar hardh dhe\u2019n bobel dell wrug ev orth rydhses.\u201d<\/p>\n

Whath pan o ev ledys war-tu ha Tyburn rag executyans euthyk, yth esa ev ow postya yndellma:<\/p>\n

\u201cdhe gavos hanow anhedhek, ha gerda fast hag anvarwel.\u201d<\/p>\n