Agan Tavas a synsys y gensa areth yn Kernewek yn Chy Murdoch yn Resruth de Sadorn 9ves a vys Me. Wella Chubb a gewsys adro dh’y vyaj gans y gares ha tus dhyworth lyes ran a’n bys dhe Bhutan rag whythra losow. Yth esa ganso skesennow marthus a’n pow, a’n dus lel ha’n losoweth. Splan o clewes Kernewek frosek ha dysky oll adro dhe’n randyr teg ma. Yth esa cuntell rag Nepal, dystrewys gans dorgrys nans yw dyw seythen, nag usy pell dhyworth Bhutan. Yma govenek dhyn, synsy arethow moy y’n termyn a dhe yn Kernewek. Myreugh orth an spas ma!
Areth yn Kernewek
